ಮಣ್ಣಿನ ಫಲವತ್ತತೆ:

ಬಾಳೆ ಮತ್ತು ಅಡಿಕೆ ಬೆಳೆಗೆ ಸಾವಯವ ಕೃಷಿ ಪದ್ಧತಿ ಅನುಸರಿಸಿದ್ದರಿಂದ ಕೃಷಿ ಭೂಮಿಯಲ್ಲಿ ಜೈವಿಕ, ಭೌತಿಕ, ರಾಸಾಯನಿಕ ಗುಣಗಳು ಅಭಿವೃದ್ಧಿಯಾಗಿವೆ.

ಜೈವಿಕ ಗುಣ: ಮಣ್ಣಿನಲ್ಲಿ ಅಸಂಖ್ಯಾತ ಸೂಕ್ಷ್ಮಾಣು ಜೀವಿಗಳು ಮತ್ತು ಎರೆಹುಳುಗಳು ನೆಲೆಯೂರಿರುವುದರಿಂದ ಕೃಷಿ ಭೂಮಿ ಮೃದುವಾಗಿದೆ. ಇದರಿಂದಾಗಿ ಮಣ್ಣಿನ ಆಳಕ್ಕೆ ನೀರು ಮತ್ತು ಗಾಳಿ, ಬೆಳಕು ಸರಾಗವಾಗಿ ಚಲಿಸುತ್ತಿವೆ. ಈ ಪ್ರಕ್ರಿಯೆಯಿಂದಾಗಿ ತೋಟದಲ್ಲಿ ಜೈವಿಕ ಗುಣ ಚೇತರಿಯಾಯಿತು.

ಭೌತಿಕ ಗುಣ: ಮಣ್ಣು ಮುಟ್ಟಿದರೆ ನಯವಾಗಿರುವುದರಿಂದ ಮಣ್ಣಿನ ರಚನೆ ಸುಧಾರಿಸಿದೆ. ಇದಷ್ಟೆ ಅಲ್ಲದೆ ಮಣ್ಣಿನಲ್ಲಿ ಪೋಷಕಾಂಶ ಸಮೃದ್ಧವಾಗಿದೆ. ಹೀಗಾಗಿ ಕೃಷಿಕನ ತೋಟದಲ್ಲಿ ಭೌತಿಕ ಗುಣವು ಸುಧಾರಿಸಿತು.

ರಾಸಾಯನಿಕ ಗುಣ: ಮಣ್ಣಿನಲ್ಲಿ ಉಪಕಾರಿ ಸೂಕ್ಷ್ಮಾಣು ಜೀವಿಗಳು ಮತ್ತು ಎರೆಹುಳುಗಳ ಚಟುವಟಿಕೆ ಕ್ರಿಯಾಶೀಲವಾಗಿದ್ದರಿಂದ ಮಣ್ಣಿನಲ್ಲಿ ಬಿದ್ದ ತ್ಯಾಜ್ಯ ಸಂಪೂರ್ಣವಾಗಿ ಜೈವಿಕ ವಿಘಟನೆಗೊಂಡಿದೆ. ಹೀಗಾಗಿ ತೋಟದಲ್ಲಿ ಸಾವಯವ ಇಂಗಾಲಕ್ಕೆ ಕೊರತೆನೆಯಿಲ್ಲ.

ರಸ ಸಾರ:

ಕೃಷಿ ಭೂಮಿ ಸರಿಸುಮಾರು 2.5 ರಿಂದ 7.5 ವರೆಗೆ ರಸ ಸಾರವನ್ನ ಹೊಂದಿದ್ದರೆ, ಆ ಒಂದು ಕೃಷಿ ಭೂಮಿಯಲ್ಲಿ ಬೆಳೆದ ಬೆಳೆಗೆ ಯಾವುದೇ ಆಹಾರದ ಕೊರತೆಯಾಗದೆ, ಬೆಳೆ ಆರೋಗ್ಯಕರವಾಗಿ ಬೆಳೆಯುತ್ತದೆ. ಅದಕ್ಕೆ ತಾಜಾ ಉದಾಹರಣೆ ಅಂದ್ರೆ ಈ  ತೋಟದಲ್ಲಿ ಬೆಳೆಯುತ್ತಿರುವ ಬಾಳೆ ಬೆಳೆಯೇ ಸಾಕ್ಷಿ. ಹೌದು ಬೆಳೆಯ ಬೆಳೆವಣಿಗೆ ಹಂತ ಅಥವಾ ಕಟಾವಿನ ಹಂತ ತಲುಪುತ್ತಿದ್ದಂತೆ ಬೆಳೆಗೆ ಸಾಕಷ್ಟು ರೀತಿಯ ಅಪಾಯಕಾರಿ ರೋಗಗಳು ತಗಲುತ್ತವೆ. ಆದ್ರೆ ಈ ತೋಟ ಮಾತ್ರ ಹಚ್ಚ ಹಸಿರಾಗಿ ಗೊನೆಗಳನ್ನ ಹೊತ್ತು ಆರೋಗ್ಯದ ಸೂಚನೆ ನೀಡುತ್ತಿವೆ.

ವರದಿ: ಶ್ವೇತಾ ಕಲಕಣಿ

ಇನ್ನು ಹಚ್ಚಿನ ಮಾಹಿತಿಗಾಗಿ ತಿಳಿಯಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ

https://www.youtube.com/watch?v=vHG_oeXmMAU&t=65s